इटहरीका ११ वर्षीय प्रितम आचार्य अहिले चर्चामा छन् । उनले आफ्नो स्वरको जादुले निर्णायकहरुको समेत मन जित्दै आएका छन् ।
भारतीय टेलिभिजन च्यानल जि–टीभीबाट प्रसारण हुँदै आएको चर्चित सांगीतिक रियालिटी शो ‘सारेगमप’ लिटिल च्याम्सतर्फ प्रितम टप–१५ मा पर्न सफल भएका छन् । प्रितमको प्रस्तुती र निर्णायकको भनाइलाई आधार मान्ने हो भने उनको सम्भावना जित नजिक छ । गएको एपिशोडका सोनु निगमले गाएको ‘सन्देशे आते है’ बोलको गीत गाउँदा प्रितमले निर्णायकबाट वाहवाही पाए । प्रितम हरेक किसिमका नेपाली र हिन्दी गीत गाउन सक्छन् । त्यसैले पनि प्रितम ‘सारेगमप’ जस्तो चर्चित कार्यक्रममा टप–१५ मा पुग्न सफल भएका छन् ।
गीतकार दर्पण राईको चर्चित गीत ‘यो मुटु दुख्छ किन’ बोलको बाल भर्सन गाएपछि नेपाली सांगीतिक क्षेत्रमा चर्चामा आएका प्रितम इटहरीस्थित विश्व आदर्श स्कुलमा कक्षा ६ मा अध्ययनरत छन् । नेपाली सांगीतिक क्षेत्रमा उज्जल भविष्य लिएर उदय भएका प्रितमबारे चर्चित गीतकार दर्पण राई भन्छन्, ‘प्रितमको कला, प्रतिभा र सम्भावना देखेरै मैले ‘यो मुटु दुख्छ किन’लाई बाल भर्सनमा गाउने अवसर दिएको हुँ । अहिले सारेगमपमा पुगेर चर्चा बुटुलिरहँदा एकदमै खुसी छु ।’
प्रितमले यसअघि पनि सांगीतिक रियालिटी शोमा भाग लिइसकेका छन् । उनले ‘सुरशाला आइडल’ जुनियरतर्फ फस्ट रनरअप उपाधि पाएका थिए । उक्त कार्यक्रममा देखाएका प्रतिभाले नै प्रितमले गीतकार दर्पणको चर्चित गीतको बाल भर्सन गीत गाउने अवसर पाएका हुन् । गीतकार दर्पण भन्छन्, ‘थुप्रै बाल गायक÷गायिकाको उदय भइरहेका बेला प्रितमको छुट्टै प्रतिभा र कला छ । उनको गायन कलाका जादू छ । अरु बाल गायकहरुको भविष्य के कस्तो हुन्छ, त्यो थाहा छैन । तर प्रितमको एदकमै उज्जल छ ।’
भारतीय टेलिभिजन च्यानल जि–टीभीबाट प्रसारण हुँदै आएको चर्चित सांगीतिक रियालिटी शो ‘सारेगमप’ लिटिल च्याम्सतर्फ प्रितम टप–१५ मा पर्न सफल भएका छन् । प्रितमको प्रस्तुती र निर्णायकको भनाइलाई आधार मान्ने हो भने उनको सम्भावना जित नजिक छ । गएको एपिशोडका सोनु निगमले गाएको ‘सन्देशे आते है’ बोलको गीत गाउँदा प्रितमले निर्णायकबाट वाहवाही पाए । प्रितम हरेक किसिमका नेपाली र हिन्दी गीत गाउन सक्छन् । त्यसैले पनि प्रितम ‘सारेगमप’ जस्तो चर्चित कार्यक्रममा टप–१५ मा पुग्न सफल भएका छन् ।
गीतकार दर्पण राईको चर्चित गीत ‘यो मुटु दुख्छ किन’ बोलको बाल भर्सन गाएपछि नेपाली सांगीतिक क्षेत्रमा चर्चामा आएका प्रितम इटहरीस्थित विश्व आदर्श स्कुलमा कक्षा ६ मा अध्ययनरत छन् । नेपाली सांगीतिक क्षेत्रमा उज्जल भविष्य लिएर उदय भएका प्रितमबारे चर्चित गीतकार दर्पण राई भन्छन्, ‘प्रितमको कला, प्रतिभा र सम्भावना देखेरै मैले ‘यो मुटु दुख्छ किन’लाई बाल भर्सनमा गाउने अवसर दिएको हुँ । अहिले सारेगमपमा पुगेर चर्चा बुटुलिरहँदा एकदमै खुसी छु ।’
प्रितमले यसअघि पनि सांगीतिक रियालिटी शोमा भाग लिइसकेका छन् । उनले ‘सुरशाला आइडल’ जुनियरतर्फ फस्ट रनरअप उपाधि पाएका थिए । उक्त कार्यक्रममा देखाएका प्रतिभाले नै प्रितमले गीतकार दर्पणको चर्चित गीतको बाल भर्सन गीत गाउने अवसर पाएका हुन् । गीतकार दर्पण भन्छन्, ‘थुप्रै बाल गायक÷गायिकाको उदय भइरहेका बेला प्रितमको छुट्टै प्रतिभा र कला छ । उनको गायन कलाका जादू छ । अरु बाल गायकहरुको भविष्य के कस्तो हुन्छ, त्यो थाहा छैन । तर प्रितमको एदकमै उज्जल छ ।’
No comments:
Post a Comment